"Microsoft" ўз ходимларига ишдан ихтиёрий кетишни таклиф қилмоқда
Сунъий интеллектга асосланган технологиялар ривожи СИ бозоридаги устувор йўналишларни ўзгартирмоқда. Шу шароитда "Microsoft" АҚШ, Канада, Ҳиндистон ва Буюк Британиядаги айрим бўлинмалари ходимларига молиявий компенсация ваъда қилиб, компанияни ихтиёрий тарк этиш имконини бермоқда.
Компаниянинг ходимлар билан ишлаш бўйича директори Эми Коулман маълум қилишича, дастур 70-даража ва ундан паст лавозимдагиларга мўлжалланган.
Таклифни қабул қилганларга молиявий ёрдам билан бирга, кейинги касбий фаолиятини режалаштиришда ҳам кўмак кўрсатилади.
Бу “Microsoft”нинг штатни қисқартиришга қаратилган илк чораси эмас. Компания жорий йил июль ойида қарийб 4 800 та иш ўрнини тугатишини маълум қилган, шунингдек, эрта пенсияга чиқиш дастурини ҳам жорий этган эди.
Мусулмон Зиё, ЎзА
