Мелони Трамп баёнотини инкор этди
Италия Бош вазири Жоржа Мелони АҚШ Президенти Дональд Трампнинг G7 саммити давомида у билан тушган сурати ҳақида айтган фикрларини қатъий инкор этди.
Маълум қилинишича, Трамп Италиянинг “La7” телеканалига берган интервьюсида Мелони ундан бирга суратга тушишни жуда хоҳлагани ва ҳатто, илтимос қилганини айтган. Ўз розилигини эса раҳмдиллиги билан изоҳлаган.
Бу баёнотга муносабат билдирган Жоржа Мелони президентнинг гапларини ўйлаб топилган, дея баҳолади.
– Трампнинг баёноти ҳақиқатга тўғри келмайди, – деди Мелони ижтимоий тармоқда эълон қилинган видео мурожаатида. – Бу гапдан ҳайратдаман. АҚШ Президенти ўз иттифоқчисига нисбатан бундай муносабатда бўлаётганини тушуниш қийин. Эслаб қолиш керак: на мен ва на Италия ҳеч қачон бировдан илтимос қилмайди.
Д.Ҳакимов, ЎзА
