Мақсад – хорижий стандартларни миллий таълим мазмуни билан уйғунлаштириш
Олийгоҳлар халқаро тан олинадиган, илғор стандартларга асосланган миллий таълим дастурларини ишлаб чиқишга ўтади. ИНҲА ва Архитектура университетлари Британия стандарти асосида шундай дастурларни йўлга қўйиб, талабаларга ўқишни бир нечта хорижий олийгоҳда давом эттириш имконини яратди.
Мазкур тажриба ёшларга халқаро талабга жавоб берадиган билим, малака ва диплом бераётгани таъкидланди. Келаси йилдан яна 20 та олийгоҳда шундай ёндашув жорий этилади.
Президентимиз ушбу университетлар ректорларидан дунёқарашни ўзгартириш, бошқарув тизимини ҳозирдан мослаштириш ва халқаро дастурлар билан ишлайдиган алоҳида тузилмалар ташкил қилишни талаб қилди.
Мақсад – хорижий стандартларни миллий таълим мазмуни билан уйғунлаштириб, талабага жаҳонда тан олинадиган тайёргарлик бериш.
ЎзА
