Китобхонлик беллашувида Хуршиджон Ҳамроев ғолиб бўлди
Сув хўжалиги объектларини эксплуатация қилиш агентлигида “Энг яхши сувчи китобхон” танловининг агентлик босқичи ўтказилди.
Танлов аввалида Сув хўжалиги объектларини эксплуатация қилиш агентлиги директорининг биринчи ўринбосари Илҳом Жўраев китоб мутолаасининг инсон ҳаётидаги аҳамиятига тўхталиб, китоб ўқиш дунёқарашни кенгайтириш, тафаккурни ривожлантириш ҳамда интеллектуал салоҳиятни оширишда муҳим ўрин тутишини таъкидлади.
Унда агентлик марказий аппаратида фаолият юритаётган 7 нафар ходим ўзбек адабиёти, соҳавий асарлар ва мотивацион китоблар бўйича билимларини намойиш этди.
Якуний натижаларга кўра, Ахборот-таҳлил бўлими бош мутахассиси Хуршиджон Ҳамроев биринчи ўринни эгаллаб, республика босқичига йўлланма олди.
Моҳира Абдукаримова иккинчи, Умид Аҳмедов эса учинчи ўринни қўлга киритди.
Ғолиб ва совриндорлар диплом ҳамда эсдалик совғалари билан тақдирланди.
Н.Зиёдуллаева, ЎзА
