“Жануб қалқонлари” ҳарбий-ватанпарварлик спорт мусобақаси ўтказилди (+видео)
Ўзбекистон ёшлар иттифоқи Сурхондарё вилояти Кенгаши ҳамда қатор ташкилотлар ҳамкорлигида олий таълим муассасаларидаги “Қалқон” жамоатчилик гуруҳи аъзолари ўртасида “Жануб қалқонлари” ҳарбий-ватанпарварлик спорт мусобақаси ташкил этилди.
Тадбир ёшларни ватанпарварлик руҳида тарбиялаш, уларнинг жисмоний ва руҳий тайёргарлигини ошириш, жамоавий ҳаракат қилиш кўникмаларини мустаҳкамлаш мақсадида ўтказилди.
Мусобақада вилоятдаги 6 та олий таълим муассасаси жамоалари иштирок этиб, 5 та шарт бўйича беллашди. Иштирокчилар ҳарбий интизом, жисмоний чидамлилик, чаққонлик, жамоавийлик ва сардорлик қобилиятларини намойиш этди. Беллашувлар қизғин ва муросасиз руҳда кечди.
Якуний натижаларга кўра, Термиз давлат университети жамоаси биринчи ўринга лойиқ кўрилди. Термиз давлат муҳандислик ва агротехнологиялар университети ҳамда Денов тадбиркорлик ва педагогика институти жамоалари иккинчи ва учинчи ўринларини қўлга киритди.
[gallery-28318]
Мусобақа якунида ғолиб ва совриндор жамоалар тантанали равишда тақдирланиб, уларга диплом ва пул мукофотлари топширилди.
Таъкидланганидек, бу каби мусобақалар ёшларнинг жисмоний ва маънавий камолотида муҳим аҳамият касб этади ҳамда келгусида ҳам давом эттирилади. Иштирокчилар мазкур мусобақа нафақат спорт маҳоратини ошириш, балки жамоавийлик ва ватанпарварлик туйғусини мустаҳкамлашда ҳам муҳим аҳамиятга эга бўлганини қайд этди.
<iframe width="640" height="420" src="https://www.youtube.com/embed/AXoVBPbXsi8" title="“Janub qalqonlari” harbiy-vatanparvarlik sport musobaqasi o`tkazildi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Жонибек ҚЎЗИМУРОДОВ (сурат, видео), ЎзА
