Жаҳон чемпионати: плей-офф босқичининг барча жуфтликлари аниқланди

XXIII Жаҳон чемпионатида плей-офф босқичи 29 июнь куни (Тошкент вақти билан) старт олади. Дастлабки учрашувларда Жанубий Африка Республикаси Канадага қарши майдонга тушса, Бразилия Япония билан куч синашади. 1/16 финал баҳслари 4 июлга қадар давом этади.

АҚШ, Канада ва Мексика мезбонлигида ўтаётган футбол бўйича XXIII Жаҳон чемпионатида гуруҳ босқичи баҳслари якунланди. Натижада мусобақанинг плей-офф босқичига йўл олган 32 терма жамоа номи аниқ бўлди.

Мундиалнинг 1/16 финал баҳслари 28 июнь куни старт олади ва 4 июлга қадар давом этади. Ушбу босқичнинг илк ўйини мамлакатимиз вақти билан 29 июнга ўтар кечаси соат 00:00 да бошланади. Унда Жанубий Африка Республикаси — Канада билан куч синашади.

Қуйида 1/16 босқичидан ўрин олган жуфтликлар билан танишасиз:

29 июнь: 00:30 — Жанубий Африка Республикаси — Канада , 22:30 — Бразилия — Япония;

30 июнь: 02:00 — Германия — Парагвай, 06:30 — Нидерландия — Марокаш, 22:30 — Кот-д'Ивуар — Норвегия;

1 июль: 02:30 — Франция — Швеция, 06:30 — Мексика — Эквадор, 21:30 — Англия — Конго Демократик Республикаси ;

2 июль: 01:00 — Бельгия — Сенегал, 05:00 — АҚШ — Босния ва Герцеговина, 21:00 — Испания — Австрия;

3 июль: 01:00 — Португалия — Хорватия, 05:00 — Швейцария — Жазоир, 21:00 — Австралия — Миср;

4 июль: 01:00 — Аргентина — Кабо-Верде, 04:30 — Колумбия — Гана.

Маълумот учун, Жаҳон чемпионатининг 1/8 финал баҳслари 4–7 июль, чорак финал учрашувлари 9–11 июль, ярим финаллар 14 ва 15 июль кунлари бўлиб ўтади. Жаҳон чемпионатининг учинчи ўрин учун баҳси ҳамда финал учрашуви 19 июль куни ташкил этилади.

Жавоҳир Тошхўжаев, ЎзА