Исроил мудофаа экспортида тарихий рекордни янгилади
Исроил 2025-йилда мудофаа экспорти 2024-йилга нисбатан 30 фоизга ўсиб, 19,2 миллиард долларга етди. Исроилнинг “Calcalist” иқтисодий нашрига кўра, бу натижа ўтган йилги рекордни янгилаган. Ўшанда умумий қурол экспорти 14,8 миллиард долларни ташкил қилган эди.
Исроил Мудофаа вазирлигининг Мудофаа экспорти бўлими (SIBAT) маълумотига кўра, барча қурол етказиб бериш шартномаларининг тахминан 85 фоизи энг йирик учта компания – “IAI”, “Rafael” ва “Elbit Systems” билан тузилгани таъкидланган.
Қайд этилишича, Исроил қурол экспортининг энг катта улуши (36 фоизи) Европа мамлакатларига тўғри келади. Бу давом этаётган Россия-Украина ўртасидаги низо билан боғлиқ. Осиё-Тинч океани минтақаси барча мудофаа экспортининг 32 фоизини ташкил этди. Шунингдек, Иброҳим келишувини имзолаган мамлакатларга экспорт ўсиш тенденцияси 2025-йилда ҳам давом этиши таъкидланмоқда. Ўтган йили Марокаш, БАА, Судан ва Баҳрайнга экспорт улуши 15 фоиз бўлган.
С.Раҳимов, ЎзА
