"Gulf Times" nashri O‘zbekistonning sayyohlik salohiyati haqida material chop etdi

Qatarning "Gulf Times" nashri Instagram ijtimoiy tarmog‘idagi sahifasida O‘zbekistonning sayyohlik imkoniyatlari, tarixiy obidalari va mehmondo‘stlik an’analariga bag‘ishlangan post joylandi.

Materialda chet ellik sayyohlarning O‘zbekistonga bo‘lgan qiziqishi ortayotgani  alohida qayd etiladi. 

Statistik ma’lumotlarga ko‘ra, joriy yilning yanvar-sentabr davrida O‘zbekistonga turistik maqsadlarda 10,3 million nafardan ziyod chet el fuqarosi tashrif buyurdi. Bu o‘tgan  yilning shu davri bilan taqqoslaganda  1,7 millionga ko‘pdir.

Xususan, Yaponiyadan kelayotgan sayyohlar oqimi 1,5 barobarga, AQSHdan — 1,4 barobarga oshdi.  Germaniya va Buyuk Britaniyadan keluvchilar soni 25% ga, Fransiyadan — 21% ga, Turkiyadan — 15% ga ko‘paydi.

Hisobot davrida  sayyohlik xizmati eksporti  5,3 milliard AQSH dollariga yetdi.

Aziza Alimova tayyorladi, O‘zA