FIDE президенти вақтинча фаолиятини тўхтатди

Халқаро шахмат федерацияси (FIDE) президенти Аркадий Дворкович Европа Иттифоқининг Россияга қарши қабул қилинган 21-санкциялар пакетига киритилди.

Бунинг ортидан Дворкович FIDE президенти сифатидаги ваколатларини вақтинча тўхтатишини эълон қилди.

Бу ҳақда Халқаро шахмат федерацияси (FIDE) сайти орқали Аркадий Дворковичнинг мурожаати ва ваколатини тўхтатганлиги ҳақидаги мурожаати эълон қилинди. Унда келтирилишича, бу қарор санкциялар FIDE ишига таъсир кўрсатмаслиги учун қабул қилинган.

FIDE низомига кўра, Дворковичнинг ваколатлари тиклангунига қадар унинг вазифасини Халқаро шахмат федерацияси вице-президенти Вишванатан Ананд бажаради.

Эслатиб ўтамиз, жорий йил сентябрь ойида Самарқандда ўтадиган 46-Бутунжаҳон шахмат олимпиадаси доирасида FIDE’нинг навбатдаги Бош ассамблеяси ва президентлик сайлови учун йиғилишлар ўтказилиши белгиланган бўлиб, Дворкович ушбу сайловда FIDE президентлигига номзод сифатида қатнашишни режалаштирмоқда.

Т.Рўзиев,

ЎзА