"FIDE Circuit 2026-2027": Абдусатторов пешқадам, Синдоров 2-ўринда, Ҳамдамова кучли ўнликда
“FIDE Circuit 2026-2027” рейтингининг навбатдаги янгиланишига кўра, Ўзбекистоннинг биринчи рақамли гроссмейстери Нодирбек Абдусатторов пешқадамликни сақлаб қолган бўса, Жавоҳир Синдоров “Super Chess Classic Romania” турниридаги муваффақиятли иштирокидан сўнг етакчига янада яқинлашишга муваффақ бўлди.
Аёллар ўртасидаги “FIDE Circuit” рейтингида ортда қолган мусобақалар ҳолатида муҳим ўзгаришлар юз берди.
Мўғулистонда поёнига етган Осиё чемпионатида кумуш медални қўлга киритган ҳамюртимиз Афруза Ҳамдамова кучли ўнликдан ўрин олишга эришди.
Рейтинг пешқадамлиги эса Норвегияда ўтган “Norway Chess Women” турнири ғолиблик шоҳсупасига кўтарилган қозоғистонлик Бибисара Ассаубаевага тегишли бўлди. Хитойлик Зу Жинер иккинчи, ўтган ойдаги етакчи Ваишали Рамешбабу эса учинчи ўринни банд этди.
Т.Рўзиев, ЎзА
