Электрон тўловлар 58 фоизга ўсди
Бугунги кунда Ўзбекистонда жамоат транспортида банк карталари орқали тўловлардан фойдаланиш кескин ортиб, 49,7 млн. транзакцияга, яъни 58 фоиз ўсишга етди. Бу эса электрон тўловларнинг аҳоли кундалик ҳаётида тобора муҳим ўрин эгаллаб бораётганини кўрсатмоқда.
2026 йил биринчи чораги якунларига кўра, жамоат транспортида электрон тўловлар бозорида айрим банклар етакчи ўринларни эгаллаб, ўз улушини сезиларли даражада оширишга эришган.
“Uzum bank” — республика бўйича 19,8 фоиз улуш билан етакчи банк сифатида қайд этилди. Банк томонидан жамоат транспорти учун тақдим этилаётган чегирмалар ва бонус дастурлари ушбу карталар оммалашувига ижобий таъсир кўрсатган.
Қайд этилишича, жамоат транспортида электрон тўловларнинг кенгайиши рақамли иқтисодиёт ривожига, аҳоли учун қулайликлар ошишига ҳамда нақд пул айланмасининг қисқаришига хизмат қилмоқда.
Ш.Маматуропова, ЎзА
