Дунёдаги энг йирик контейнер ташувчи компания Россиянинг Қора денгиз йўналишига хизмат кўрсатишни тўхтатди
Новороссийскка кетаётган “MSC ULSAN III” кемасига дрон ҳужуми уюштирилгандан сўнг дунёдаги энг йирик контейнер ташувчи компания – “Mediterranean Shipping Co. (MSC)” Россиянинг ушбу портига кириш ва ушбу манзил билан боғлиқ янги буюртма олишни тўхтатди.
“Bloomberg” бу ҳақда компания томонидан мижозларга берилган хабарномага таяниб маълум қилди.
Бошқа халқаро контейнер тизимлари каби МSC ҳам 2022 йилдан бошлаб РФдаги фаолиятини чеклаган. Россияга халқаро юк ташиш фақат озиқ-овқат, кийим-кечак ва дори-дармон каби зарур маҳсулотлардан иборат.
– Компания Санкт-Петербург ва бошқа рус портлари билан ишлашда давом этяпти, – дейилган хабарда.
С.Раҳимов, ЎзА
