Dunyo suratlarda
Jahonning turli nuqtalarida sodir bo‘layotgan eng muhim va hayratlanarli voqealar – fotoob’ektiv nigohida. Har bir tasvir ortida butun bir hikoya, yangiliklar dunyosi yashirin.
O‘zA o‘quvchilarni jahonda sodir bo‘lgan voqea-hodisalardan suratlar yordamida boxabar etishda davom etadi.
Praga, Chexiya: Praga marafoni ishtirokchilari mashhur Karl ko‘prigidan yugurib o‘tishyapti. Erkaklar poygasida efiopiyalik Berexanu Vendemu Segu, ayollar o‘rtasida esa keniyalik Milisent Yelim g‘olib chiqdi.
Bermud orollari: Qirol Charlz III Buyuk Britaniyaning dengiz orti hududiga ikki kunlik tashrifi doirasida mahalliy aholi vakillari bilan ko‘rishdi.
Xevron, G‘arbiy Sohil: Isroil askarlari Falastin shahri bo‘ylab uyushtiriladigan haftalik sayohatda yahudiy ko‘chmanchilarini qo‘riqlab boryapti.
Tubab Dialao, Senegal: Afrikadagi raqs biyennalesi qatnashchisi. Besh kunlik tadbir zamonaviy Panafrika xoreografiyasi yutuqlarini namoyish etuvchi qulay maydondir.
Uoterluvill, Buyuk Britaniya: Bu yilgi “Beltain Celtic Fire” festivali uchun maxsus to‘qilgan ulkan odam. Mualliflar Mark va Rebekka Ford Xempshirdagi Butcher qadimiy fermasida tadbir boshlanishi oldidan o‘zlarining ijod mahsulini ko‘zdan kechirmoqda. Yoz boshlanishini nishonlash maqsadida o‘tkaziladigan mazkur qadimiy kelt bayrami May malikasi va Yashil odam hikoyasiga asoslangan.
Kiyev, Ukraina: Rossiyaning Ukraina poytaxtiga uyushtirgan hujumi payti tutuvchi samolyot dronni urib yuborganda, portlash yog‘dusi osmonning bir qismini yoritdi.
Sidney, Avstraliya: Faollar “Global Sumud” flotiliyasi bilan birdamlik namoyishi sifatida Milsons Poyntdan “Man O’War” pog‘onasiga suzib borishgach, Sidney opera teatri yaqinida suratga tushdi.
Skomer oroli, Uels: Atlantika paffinlari tumshug‘i ochiq holda ko‘ringan. Britaniya janubidagi ushbu eng yirik paffin koloniyasida 2026-yil 52 000 ga yaqin qush qayd etilgan. Jonivorlar apreldan iyulgacha ko‘payish uchun shu orolga keladi.
Sharmey, Shveysariya: Peshqadamlikni anglatuvchi sariq libosidagi sloveniyalik velosportchi Tadey Pogachar va uning jamoadoshlari Brokdan Sharmeygacha cho‘ziladigan, bu gal 79-marta o‘tkazilayotgan “Tur de Romandi” poygasi 4-bosqichida.
Portobelo, Panama: Odamlar Kongos bayramida ishtirok etmoqda. Tadbir Afro-Karib merosining eng yorqin madaniy ko‘rinishi sifatida qullik, qarshilik va ozodlik mavzulari bilan bog‘liq musiqa, raqs, teatr tomoshasi va ramziy qahramonlarni o‘z ichiga oladi.
Kolumbiya daryosi darasi, Oregon: Maltnoma sharsharasida aholi tabiat manzarasidan bahra olmoqda.
Quddus: Isroil politsiyasi Sharqiy Quddusning Silvon tumanida falastinliklar majburiy ko‘chirilishiga qarshi norozilik bildirib, asosiy yo‘lni to‘sib qo‘ygan o‘nlab faollarni ta’qib qilmoqda.
Toronto, Kanada: Kospley libosidagi ayol “High Park”da gullagan sakura daraxti yonida kapalak shaklidagi ko‘zguni ushlab turibdi. Bu daraxtlar xiyobonga 1959-yil Tokio fuqarolari tomonidan sovg‘a qilingan.
Pusan, Janubiy Koreya: 1500 drondan iborat o‘zi uchar uchoqlar guruhi yorqin shou payti Gvangan ko‘prigi uzra tungi osmonda “O‘rgimchak-odam: Yangi kun” filmini targ‘ib qildi.
Fardona Yaxshiboyeva, O‘zA
