"Дахлсиз экология" фотоусталар нигоҳида

Хитойнинг Гуйчжоу провинцияси Цяньнань-Буи-Мяо мухтор округи Либо уездининг Хунцзян қишлоғида "19-Дахлсиз экология бўйича ранг-баранг Гуйчжоу – 2026 халқаро фотокўргазмаси" ва биринчи "Ранг-баранг Гуйчжоу – Ер санъати мавсуми" очилди. Унда Хитой ва хорижлик энг таниқли фотосанъат усталари биргаликда икки тадбирда иштирок этди.

Кўргазма Гуйчжоу провинцияси бошқаруви, Хитойнинг “CNS” ахборот агентлиги ва Гуйчжоу провинцияси Маданият ва туризм департаменти томонидан ҳамкорликда ташкил этилди. У Гуйчжоу провинцияси томонидан ўн тўққиз йил давомида мунтазам ўтказиб келинди ва провинциянинг брендига айланган.

Кўргазма “Ёруғлик ва соя нурида Гуйчжоуда яшаш” мавзусида ўтказилмоқда ва соф гуманитар ҳамда манзарали суратга олиш доирасидан чиқиб, объективни Гуйчжоуда яшайдиган одамлар ҳаётига қаратишга урғу беради. Онлайн ва офлайн форматида 1000 дан ортиқ асарлар (сериялар) тақдим этилган бўлиб, битта тематик экспозиция ва иккита махсус экспозиция ташкил этилган.

Тематик экспозиция олтита бўлим – маданият, туризм, спорт, тиббиёт, бизнес ва транспорт атрофида қурилган бўлиб, Хитой ва хориждан келган сайёҳларнинг Гуйчжоудаги диққатга сазовор жойларни томоша қилишдан чуқур ҳордиқ чиқариш ва яшаш давридаги ҳаёт манзарасини ҳар томонлама кўрсатиб беради.

Ушбу кўргазма Либонинг етти ғор манзарали ҳудудини, Буи қишлоқлари, уйлар ва халқ урф-одатларини қамраб олган ва анъанавий кўргазма зали чегараларини бузиб, бутун қишлоқни ҳақиқий муҳитда очиқ ҳикоя қилиш майдонига айлантиради. Хунцзян қишлоғига кириб, Гуйчжоу тоғлари ва сувларини, қишлоқ кундалик ҳаётини ва ташриф буюрувчилар ҳаётининг ранг-баранглигини муҳрлаган фотосуратлар қадимий уйларнинг деворларида, ҳовли ва галереяларда жойлаштирилганини кўриш мумкин. Шошилмасдан сайр қилаётган сайёҳлар экспонатлар ёнида тўхтаб, девордаги тасвирлар ва қишлоқнинг қадимий қиёфаси акс-садо берган манзарани кузатди.

Жорий кўргазмада Франция ва Италияни ўз ичига олган 10 га яқин мамлакат ва минтақалардан фотографлар иштирок этмоқда. Бундан ташқари, “Ипак йўли”даги Марказий осиё фотоижодкорлари таклиф этилган. Келгусида кўргазма Қирғизистон ва бошқа жойларда намойиш этилиб, тасвир воситасида Гуйчжоу ва Марказий Осиё ўртасидаги гуманитар алмашинув ривожига ҳисса қўшади ва “Ранг-баранг Гуйчжоу” маданиятининг тарғиботига ёрдам беради.

<iframe width="640" height="420" src="https://www.youtube.com/embed/hzqOtH_qFaA" title="«Дахлсиз экология» фотоусталари нигоҳида" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Муҳаммаджон Обидов, Элёр Олимов (видео), Муқимжон Қодиров (сурат),
Хитой, Гуйчжоу провинцияси.
ЎзА