Давлат раҳбари кино соҳаси фидойилари учун яратилаётган янги шароитларни эълон қилди
Давлатимиз раҳбари киноижодкорлар учун яна бир ташаббусни маълум қилди. Қуйи Чирчиқ туманидаги “Кўҳинур” сиҳатгоҳи тўлиғича уларнинг ихтиёрига берилади.
Мазкур сиҳатгоҳ яқинда замонавий талаблар асосида таъмирланиб, жиҳозланган. Бу ерда киноижодкорларнинг муносиб дам олиши учун шароит яратилган.
Президентимиз ушбу маскан киночиларимиз куч тўплаб, янги-янги ғоялар устида ишлашига хизмат қиладиган чинакам ижодий масканга айланишини таъкидлади.
Бундан ташқари, ҳар йили кино соҳасида фаолият юритадиган камида 300 нафар фидойи ходимга республикадаги сиҳатгоҳларда дам олиш ва даволаниш учун бепул йўлланма берилади.
Президентимизнинг "Ўзбекфильм” киностудиясида киноижодкорлар билан учрашуви давом этмоқда.
ЎзА
