Бекмурод Олтибоев Осиё ўйинларида бронза медалга сазовор бўлди
Япониянинг Аичи ва Нагоя шаҳарларида давом этаётган ХХ Осиё ўйинларининг 27 сентябрь кунги беллашувлари курашчиларимиз учун муваффақиятли ўтмоқда.
Хусусан, кураш бўйича Ўзбекистон терма жамоаси аъзолари — +90 килограмм вазн тоифасида баҳс олиб борган Шоҳруҳхон Бахтиёров ва Бекмурод Олтибоев ярим финал босқичида ўзаро тўқнаш келди. Унда Шоҳруҳхон Бахтиёров ғалаба қозониб, финалга йўл олди. Бекмурод Олтибоев эса бронза медалга сазовор бўлди.
Шу тариқа, Шоҳруҳхон Бахтиёров Осиё ўйинлари чемпионлиги учун ҳал қилувчи баҳсда Тожикистон вакили Шакармамад Мирмамадов билан рақобатлашади.
Жавоҳир Тошхўжаев, ЎзА
