Азия ойындары: Өзбекстан жастары топта бірінші орынмен ширек финалға шықты

Өзбекстанның 23 жасқа дейінгі ұлттық құрамасы Жапонияда өтіп жатқан Азия ойындарының топтық кезеңіндегі 3-турда Вьетнамды 2:0 есебімен жеңіп, топта бірінші орын алды. Енді бас бапкер Равшан Хайдаров шәкірттері ширек финалда Сауд Арабиясы құрамасына қарсы ойнайды.

Жапонияның Нагоя қаласында 20-шы жазғы Азия ойындарының футбол турнирі жалғасып жатыр.

Өзбекстанның 23 жасқа дейінгі ұлттық құрамасы топтық кезеңдегі соңғы кездесуін Вьетнамға қарсы өткізіп, 2:0 есебімен жеңіске жетті.

Осы жеңістен кейін Өзбекстан құрамасының еншісіндегі ұпай саны 9-ға жетіп, команда топта бірінші орынмен ширек финалға жолдама алды.

25 қыркүйек күні бас бапкер Равшан Хайдаров шәкірттері Сауд Арабиясы құрамасына қарсы алаңға шығады.