АҚШ Сенати Марказий Осиё мамлакатлари билан муносабатни ривожлантириш муҳимлигини тан олди
АҚШ Сенати Ўзбекистон, Қозоғистон, Қирғизистон, Тожикистон, ва Туркманистон мустақиллигининг 35 йиллигига бағишланган 816-сонли резолюцияни қабул қилди.
Мазкур ҳужжат билан Вашингтон минтақадаги беш давлат билан муносабатнинг стратегик аҳамияти, шунингдек ушбу давлатлар суверенитети ва ҳудудий яхлитлигини яна бир бор тасдиқлади.
Резолюцияда Марказий Осиё ва Кавказнинг глобал савдо, энергетика хавфсизлиги ва Ўрта йўлакни ривожлантиришдаги муҳим ўрни алоҳида таъкидланган. Шунингдек, АҚШ ва минтақамиз мамлакатлари ўртасида иқтисодиёт, таълим ва касбий ҳамкорлик қўллаб-қувватланиши кўзда тутилган.
С.Раҳимов, ЎзА
