АҚШ Конгодан келувчилар учун чеклов жорий қилди
Қўшма Штатлар ҳукумати Конго Демократик Республикасида "Эбола" вируси тарқалаётгани муносабати билан ушбу мамлакатда бўлган Америка фуқароларининг тижорат рейси орқали ўлкага қайтишини вақтинча чеклади.
Янги тартибга кўра, Конгода бўлган АҚШ фуқаролари камида 21 кун учинчи давлат ҳудудида бўлганидан кейингина АҚШга учиши мумкин. Бу даврда уларга Давлат департаменти томонидан консуллик ёрдами кўрсатилади.
Расмий маълумотга кўра, Конгода касалликка чалинганлар сони 1 926 нафарга, қурбонлар сони эса 702 нафарга етган. Вирус мамлакатнинг бир нечта вилоятига тарқалган.
Қўшма Штатлар Соғлиқни сақлаш вазирлиги ва Касалликларни назорат қилиш маркази (CDC) “Эбола” вирусини юқтирган АҚШ фуқаролари аниқланганини маълум қилди. Улардан бири Германияда даволанмоқда.
Д.Ҳакимов, ЎзА
