«Аланга-2026» фестивали айни қизғин палласига кирди
"АЛАНГА 2026" II Халқаро ёшлар фестивали доирасида дастурдаги энг муҳим босқичлардан бири — Истеъдодлар куни чиқишлари High Town Mall майдонида бўлиб ўтди.
Ушбу кун истеъдод ғоя доирасидан чиқиб, ҳаракат, товуш ва саҳнадаги иштирок орқали ўз ифодасини топадиган майдонга айланди. Турли мамлакатлардан келган иштирокчилар TALENT тоифасида ўз чиқишларини намойиш этиб, индивидуал қобилиятлари, ижодий тафаккури ва ўзига хос бадиий услубини кўрсатдилар.
Куннинг биринчи ярмида индивидуал иштирокчилар ўртасида истеъдодлар кўриги бўлиб ўтди. Костюмлар, аксессуарлар, мусиқа ва мусиқа асбобларидан фойдаланган ҳолда тайёрланган чиқишларини тақдим этдилар. Бу нафақат танлов босқичи, балки ўзини мустақил ижодий шахс сифатида намоён этиш имкониятидир.
Куннинг иккинчи ярмида саҳна ижодий жамоаларга берилди. Улар гуруҳли чиқишлар орқали синергия, жамоавий динамика ва умумий бадиий ифодани намойиш этиб, замонавий ёшлар санъатининг кенглиги ва ранг-баранглигини очиб бердилар. АЛАНГА доирасидаги Истеъдодлар куни — бу шунчаки саралаш босқичи эмас, балки ҳар бир иштирокчига ўзини кўрсатиш, эшиттириш ва халқаро даражада баҳоланиш имконини берадиган жонли платформаси ҳамдир.
<iframe width="640" height="420" src="https://www.youtube.com/embed/b1lMs5UKznU" title="«Alanga-2026» festivali ayni qizg`in pallasiga kirdi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Зиёвуддин Нуриддинов, Ойбек Давронов, Анвархўжа Аҳмедов, ЎзА
