Акбар Жўраев жаҳон рекордини янгилади!

Япония мезбонлик қилаётган ХХ Осиё ўйинларининг 29 сентябрь кунги баҳсларида спортчиларимиз камондан отиш, киберспорт, ўқ отиш, слаломда эшкак эшиш, велотрек, сувга сакраш, оғир атлетика, волейбол, теннис, бокс ва енгил атлетика бўйича спорт турларида иштирок этмоқда.

Қувонарлиси, оғир атлетика бўйича эркаклар ўртасида 110 килограмм вазнда иштирок этган ҳамюртимиз Акбар Жўраев олтин медални қўлга киритди. У даст кўтаришда дастлаб 190 кг оғирликни ўзига бўйсундириб, Осиё ўйинлари рекордини янгилаган бўлса, учинчи уринишда 197 кг. натижа қайд этиб, жаҳон рекордини янгилади.

Акбар полвон силтаб кўтаришда 226 кг. ва иккикураш якунига кўра 423 кг. натижа билан Осиё ўйинлари ғолибига айланди. Бунинг натижасида делегациямиздаги олтин медаллар сони 13 тага етди.

Ўзбекистон делегацияси ҳисобида ҳозирча 13 та олтин, 17 та кумуш ва 13 та бронза, жами 43 та медаль мавжуд.

Жавоҳир Тошхўжаев,

ЎзА