Өзбекстан мен Қазақстан сот жүйелері арасында тәжірибе алмасады
Өзбекстан Республикасының Президент Әкімшілігі, Судьялар жоғары кеңесі және Жоғарғы сот делегациясы Қазақстан Республикасына жұмыс сапарымен барды.
Делегация мүшелері Қазақстан Республикасы Судьялар жоғары кеңесінде болып, Кеңес төрағасы Д. Малаховпен кездесті.
Кездесу барысында судьялар корпусын қалыптастыру, судьяларды іріктеу және олардың кәсіби қызметін бағалау, сондай-ақ судьяларды тәртіптік жауапкершілікке тартудың негіздері мен тәртібі жөніндегі Қазақстан тәжірибесі талқыланды. Сонымен қатар екі елдің сот жүйелері арасында өзара тәжірибе алмасу мәселелері қарастырылды.
Мұндай кездесулер Өзбекстан мен Қазақстанның сот жүйелері арасындағы практикалық ынтымақтастықты одан әрі дамыту, сот төрелігін қамтамасыз етудің заманауи тетіктерін енгізу және осы бағыттағы озық тәжірибемен өзара бөлісу тұрғысынан маңызды.
