Өзбекстан мен Үндістан аса маңызды минералдар саласындағы ынтымақтастықты тереңдетіп жатыр
Үндістанның "The Economic Times" басылымы Үндістан мен Өзбекстанның тау-кен өндірісі саласындағы ынтымақтастығын кеңейту тақырыбында мақала жариялады.
Материалда екі елдің геологиялық ресурстар мен уран саласындағы серіктестікті тереңдетуге уағдаласқаны атап өтілген. Сондай-ақ тараптар аса маңызды минералдарды іздеу және игеру бойынша ортақ мүмкіндіктерді талқылады.
Басылым екі ел арасында тау-кен өндірісі және геологиялық ресурстар жөніндегі өзара түсіністік туралы меморандумның шарттары келісілгеніне назар аударған. Қазір аталған құжатты жедел қабылдап, жоспарды нақты жобаға айналдыру жолдары қарастырылып жатыр.
Үндістан Сыртқы істер министрлігінің батыс істері жөніндегі хатшысы Сиби Джордж баспасөз мәслихатында келісімге қол қойып, оны жүзеге асыру үшін делегациялар алмасу жолға қойылатынын хабарлады. Автор сонымен қатар арнайы комиссия тетігі арқылы ортақ күш-жігерді дамыту идеясы ұсынылып отырғанын атап өтеді.
"The Economic Times" уран бағытындағы ынтымақтастыққа ерекше назар аударды. Бұл сала экономикалық байланыстардың жаңа бағыты ретінде көрсетілген. Сондай-ақ ауыл шаруашылығындағы серіктестік ауқымының кеңейгені атап өтілді. Атап айтқанда, тұқым шаруашылығы, тамшылатып суару, бау-бақша және тұзды жағдайда дақыл өсіру бойынша бірлескен жұмыс дамитын болады.
Бұл бағытта Үндістанның ауыл шаруашылығын зерттеу кеңесі мен еліміздің Ауыл шаруашылығындағы білім және инновациялар ұлттық орталығы ынтымақтастық орнатуда.
Ораш Ақабоев, ӨзА
