Ёш мерганлар Наманганда жам бўлди

ФОТОРЕПОРТАЖ

Ўзбекистон Республикаси мудофаасига кўмаклашувчи “Ватанпарвар” ташкилоти Марказий кенгашининг 2026 йилги спорт тадбирлари календарь режасига мувофиқ, Наманган шаҳар ўқув-спорт техника марказининг ўқ отиш мажмуасида ёшлар ўртасида пневматик қуролдан ўқ отиш бўйича Ўзбекистон кубогининг II (финал) босқичи бўлиб ўтди.

Мусобақада мамлакатимизнинг турли ҳудудларидан ташриф буюрган 103 нафар спортчи иштирок этди. 20 ёшгача бўлган ўғил-қизлар ВП-6 ва ПП-3 машқлари бўйича ҳаво милтиғи ҳамда ҳаво тўппончасидан ўқ отишда ғолиблик учун беллашди.

[gallery-30690]

Якуний натижаларга кўра, Тошкент вилояти жамоаси биринчи, Наманган вилояти жамоаси иккинчи, Фарғона вилояти жамоаси эса учинчи ўринни эгаллади.

Мусобақа ғолиб ва совриндорларига “Ватанпарвар” ташкилотининг фахрий ёрлиқлари ҳамда эсдалик совғалари топширилди.

Ҳотам МАМАДАЛИЕВ (сурат), ЎзА