Туркия давлатга қарашли энг йирик ислом молия банкини ташкил этишга тайёргарлик кўрмоқда

Туркия суверен бойлик жамғармаси “Ziraat Katılım” ва “Halk Katılım” давлат банкларининг 100 фоиз акциясини сотиб олиш бўйича шартнома имзолади. Бу Президент Режеп Таййип Эрдоған томонидан илгари эълон қилинган давлатга қарашли уч ислом молия банкини бирлаштириш режасининг биринчи босқичидир.

Акцияни ўтказиш зарур тасдиқ асосида йил охиригача якунланиши режалаштирилган. Келажакда бирлашмага “Vakıf Katılım” банки ҳам қўшилиши кутиляпти.

Ҳукумат маълумотига кўра, ягона йирик банк ташкил этилиши тармоқнинг рақобатбардошлиги ва мамлакат молия бозоридаги улушини оширади.

Туркия ислом банклари маблағи 2026 йил август ойида 5,35 триллион лирага етиб, ўтган йил охирида умумий улушнинг 8,6 фоизидан 9,6 фоизигача ошди.

С.Раҳимов, ЎзА