Тошкент янги қиёфада яшилликка бурканмоқда (+видео)

Бугунги кунда пойтахтимизда ободонлаштириш ва кўкаламзорлаштириш ишлари кўламини кенгайтириш,шаҳарни "яшил" ҳудудга айлантириш, аҳолига қулай шарт-шароитлар яратишга алоҳида эътибор қаратилмоқда.

Хусусан, Тошкент шаҳар ҳокимлиги томонидан пойтахт кўчалари учун мос дарахтларни етиштириш мақсадида 21 гектар ҳудудда кўчатхона ташкил этилди. Ҳудуд замонавий автоматик томчилатиб суғориш тизими билан жиҳозланган бўлиб, суғоришда артезиан сувидан фойдаланилмоқда.

Айни пайтда 5 гектар майдонда кўчат экиш ишлари давом этмоқда. Кўчатлар икки йил мобайнида шу ҳудудда парвариш қилиниб, кейинчалик Тошкент шаҳрининг турли ҳудудларига экилади.

Яшил фондни бойитиш учун Туркия, Италия, Германия, Нидерландия, Испания, шунингдек Европа ва Хитойдан турли кўчатлар олиб келинмоқда.

<iframe width="640" height="420" src="https://www.youtube.com/embed/iS4jO6bdSRs" title="Toshkent yangi qiyofada yashillikka burkanmoqda" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Гулноза Бобоева,

Анвархўжа Аҳмедов (монтаж), ЎзА