Тиббиёт, технология ва ҳамкорлик уйғунлиги (+видео)
Бугун пойтахтимизда ўтказилаётган Тошкент халқаро “Соғлиқни сақлаш – TIHE 2026” кўргазмасининг иккинчи кун тадбирлари давом этмоқда.
Унда 20 дан зиёд мамлакатдан 300 га яқин компания иштирок этиб, тиббиёт соҳасидаги энг сўнгги ишланма ва ечимларини тақдим этмоқда. 1995 йилдан буён мунтазам ташкил этиб келинаётган ушбу тадбир бугунга келиб халқаро миқёсдаги йирик тиббий платформалардан бири сифатида ўз мавқеини мустаҳкамлаган.
Айни пайтда кўргазма мутахассислар, давлат ташкилотлари ва бизнес вакиллари учун ўзаро мулоқот, тажриба алмашиш ва янги ҳамкорликларни йўлга қўйиш имконини бермоқда. Шу билан бирга, замонавий тиббий технологиялар ва инновацион ечимлар кенг жамоатчиликка намойиш этилмоқда. Бу эса соғлиқни сақлаш тизимини янада такомиллаштириш, илғор тажрибаларни жорий этиш ва соҳада самарадорликни оширишга хизмат қилади.
Мутахассислар таъкидлаганидек, бундай халқаро тадбирлар тиббиёт соҳасини ривожлантириш, янги ғоя ва ташаббусларни илгари суриш ҳамда самарали ҳамкорлик алоқаларини кенгайтиришда муҳим аҳамият касб этади.
<iframe width="640" height="420" src="https://www.youtube.com/embed/euZJ9urlE7U" title="Tibbiyot, texnologiya va hamkorlik uyg‘unligi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Насиба Зиёдуллаева,
Анвархўжа Аҳмедов (монтаж), ЎзА
