Теннис: Полина Кудерметова Туркияда чорак финалга чиқди
Туркиянинг Истанбул шаҳрида WTA125 таснифига кирувчи халқаро турнирда мамлакатимизнинг иккинчи рақамли теннисчиси Полина Кудерметова чорак финал йўлланмасини қўлга киритди.
Аниқроғи, мукофот жамғармаси 115 минг АҚШ долларини ташкил этувчи ушбу мусобақанинг иккинчи даврасида Полина россиялик Анастасия Гасановага қарши кортга чиқди ва рақибини 3:6, 7:5, 7:5 ҳисобида таслим этди. Энди теннисчимиз 1/4 финал босқичида франциялик Алисе Тубеллога қарши кортга чиқади.
Шунингдек, Полина Кудерметова турнирнинг жуфтлик баҳсларида яна бир теннисчимиз Мария Тимофеева билан жуфтлик беллашувлари чорак финалида Буюк Британия вакиласи Майя Ламсден ва недерландиялик Изабель Хаверлаг тандемини синовдан ўтказади.
Дарвоқе, мамлакатимизниг учинчи рақамли теннисчиси бўлган Мария Тимофеева яккалик баҳслари иккинчи даврасида латвиялик Аделина Лачинова билан куч синашадиган бўлди.
Жавоҳир Тошхўжаев, ЎзА
