Статистика: Өзбекстаннан шетелге тұрақты тұруға 5,4 мыңнан астам азамат көшіп кеткен
Шетелге тұрақты қоныс аудару – Өзбекстан халқының көші-қон үдерісіндегі негізгі бағыттардың бірі және ол жыл сайын әр түрлі жағдайды көрсетіп отыр.
Ұлттық статистика комитетінің мәліметінше, 2026 жылдың алғашқы алты айында елден шетелге тұрақты тұру мақсатында 5 422 азамат көшіп кеткен.
Бұл көрсеткіш өткен жылдың сәйкес кезеңімен салыстырғанда 129 адамға, яғни 2,3 пайызға аз.
Шетелге тұрақты қоныс аударғандардың басым бөлігі Қазақстанды таңдаған. Атап айтқанда, көшіп кеткен азаматтардың 83 пайызы Қазақстанға, 14,1 пайызы Ресейге барған.
Сонымен қатар, азаматтардың 0,8 пайызы Корея Республикасына, 0,6 пайызы Қырғызстанға қоныс аударса, қалған 1,5 пайызы басқа мемлекеттерге кеткен.
Өңірлер бойынша шетелге тұрақты тұруға ең көп азамат Қарақалпақстан Республикасынан – 1 899 адам, Ташкент облысынан – 1 431 адам және Науаи облысынан – 1 203 адам көшкен.
Бұдан бөлек, Ташкент қаласынан 492, Хорезм облысынан 79, Бұхара облысынан 59, Жызақ облысынан 50 және Самарқанд облысынан 48 азамат шетелге тұрақты тұруға қоныс аударған.
Ал ең төменгі көрсеткіш Сұрхандария облысында тіркелді. Бұл өңірден жыл басынан бері небәрі 9 азамат шетелге тұрақты тұру мақсатында көшіп кеткен.
Осылайша, 2026 жылдың қаңтар-маусым айларында Өзбекстаннан шетелге тұрақты тұруға қоныс аударғандар саны өткен жылдың сәйкес кезеңімен салыстырғанда азайған.
