Севил Йўлдошева Бельгияда чемпион бўлмоқчи
Севил Йўлдошева Бельгияда ўтаётган нуфузли халқаро турнирда Ўзбекистон шарафини ҳимоя қилмоқда. Унинг ушбу мусобақадаги илк учрашуви қандай аҳамиятга эга?
Бельгияда Халқаро теннис федерацияси томонидан ташкил этилаётган хотин-қизлар ўртасидаги “BNP Paribas Fortis Ladies Open – 2026” турнирининг яккалик баҳсларида мамлакатимиз шарафини Севил Йўлдошева ҳимоя қилмоқда.
Тажрибали теннисчимиз мусобақанинг асосий тўридаги биринчи учрашувини Жанубий Африка вакили Жани Зилга қарши ўтказади. Агар Севил Йўлдошева илк босқичдан муваффақиятли ўта олса, нимчорак финалда катта эҳтимол билан грециялик Марианна Аргирокастрити билан куч синашади.
Маълумот учун, “BNP Paribas Fortis Ladies Open – 2026” турнирининг яккалик баҳсларида ғолиб бўлган теннисчи 2 минг 352 АҚШ доллари миқдоридаги пул мукофоти ҳамда 15 рейтинг очкосига эга бўлади.
Жавоҳир Тошхўжаев,
ЎзА
