Сергей Фомин ва Ҳумоюн Султонов чорак финалда ўйнайди
Мамлакатимизнинг энг кучли эркак теннисчилари Қозоғистонда бош совринни кўзламоқда. Улар учун «President's Cup» турнири доимо муваффақиятли ўтган.
Қозоғистоннинг Остона шаҳрида теннис бўйича «Челленжер 50» туркумига кирувчи «President's Cup» турнирида ҳамюртларимиз Ҳумоюн Султонов ва Сергей Фомин чорак финалга йўл олди.
Яккалик баҳсларининг иккинчи даврасида Сергей Фомин таиландлик Касидит Самрежни 6:1, 6:4 ҳисобида мағлуб этган бўлса, Ҳумоюн Султонов аргентиналик Лусио Ратти устидан 6:4, 7:5 ҳисобида зафар қучди.
Энди Сергей Фомин ярим финал йўлланмаси учун япониялик Масамичи Имамурага қарши кортга чиқади. Ҳумоюн Султонов эса чорак финалда туркиялик Мерт Алкая билан куч синашади.
Жавоҳир Тошхўжаев,
ЎзА
