Сергей Фомин Хитойда бош совринни кўзламоқда
Хитойнинг Гуанчжоу шаҳрида “Challenger 100” туркумига кирувчи “Huangpu International Tennis Open – 2026” халқаро турнирида мамлакатимиз шарафини Сергей Фомин яккалик ва жуфтлик баҳсларида ҳимоя қилмоқда.
Ўзбекистоннинг биринчи рақамли теннисчиси яккалик баҳсларининг илк босқичида малайзиялик Мицуки Вэй Кан Леонгга қарши кортга чиқади. Жуфтлик баҳсларида эса Сергей Фомин хитойлик Аоран Ван билан бирга иштирок этмоқда. Улар биринчи босқичда Хитой Тайбэйи вакиллари Цун-Хао Хуан ва Чэн-Пэн Се дуэтига қарши баҳс олиб боради.
Маълумот учун, “Huangpu International Tennis Open – 2026” турнирининг умумий соврин жамғармаси 177 минг АҚШ долларини ташкил этади. Яккалик баҳслари ғолибига 26 минг 130, финалчига эса 15 минг 360 АҚШ доллари мукофот сифатида берилади.
Жавоҳир Тошхўжаев, ЎзА
