Сергей Фомин Грузияда чемпион бўлмоқчи
Грузияда теннис бўйича эркаклар ўртасида M25 тоифасига кирувчи “Kutaisi Open” халқаро турнирида Сергей Фомин яккалик беллашувларида ярим финал босқичига чиқди.
Мукофот жамғармаси 30 минг АҚШ долларини ташкил этувчи ушбу турнирнинг яккалик баҳсларида мамлакатимизнинг биринчи рақамли теннисчиси Сергей Фомин чорак финалда италиялик Александр Биндага қарши кортга чиқди ва 6:4, 6:2 ҳисобида ғалаба қозонди. Энди Сергей финал остонасида франциялик Кириль Вандермершга қарши баҳс олиб боради.
Шунингдек, бугун 17 май куни мусобақанинг жуфтлик баҳсларида ҳамюртимиз Денис Истомин ва Максим Шин билан биргаликда ярим финал босқичида кипрлик Элефтериос Неос ва нейтрал теннисчи Семен Панкин тандеми билан рақобатлашади.
Жавоҳир Тошхўжаев, ЎзА
