Самарқандда “Eco Expo Central Asia 2026” халқаро экологик кўргазмаси иш бошлади (+видео)
Кўргазмадан кўзланган асосий мақсад — «яшил» иқтисодиётни ривожлантириш, экологик инновацияларни жорий этиш ва иқлим ўзгаришига қарши халқаро ҳамкорликни мустаҳкамлашдир.
Бу йилги тадбир ўз кўламини янада кенгайтирди: унда 10 мингга яқин иштирокчи қатнашиши кутилмоқда. Кўргазмада халқаро ва маҳаллий йирик компанияларнинг 68 дан ортиқ павильонлари, шунингдек, Марказий Осиё ёшларининг 20 та стартап лойиҳалари намойиш этилмоқда.
Тадбир доирасида «яшил» энергетика, сув ресурсларини бошқариш ва чиқиндиларни қайта ишлаш мавзуларида 50 дан ортиқ форум ва учрашувлар ўтказилиши режалаштирилган. Ўзбекистон ҳудудлари томонидан тайёрланган иқлимий лойиҳалар халқаро инвесторлар ва донорлар эътиборига ҳавола этилади.
<iframe width="650" height="420" src="https://www.youtube.com/embed/j2jhjWxZhUA" title="Samarqandda “Eco Expo Central Asia 2026” xalqaro ekologik ko‘rgazmasi ish boshladi " frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Зиёвуддин Нуриддинов, Анвархўжа Аҳмедов, ЎзА
