Руслан Абдуллаев АҚШда кубалик боксчини мағлубиятга учратди
АҚШнинг Калифорния штатида ташкил этилган профессионал бокс оқшомида ҳамюртимиз Руслан Абдуллаев муваффақият қозонди.
Профессионал бокснинг энг енгил вазн (63,5 кг.) тоифасида рингга кўтарилган Руслан Абдуллаев кубалик Орестес Велазкез билан жанг ўтказди.
10 раундга мўлжалланган баҳснинг 5-раунди ўтиб бораётган бир паллада Руслан Абдуллаев ўзига хос кучли зарбаси билан рақибини техник нокаутга учратди ва бу жанг тақдирини ҳал қилди.
Ушбу ғалабадан кейин профессионал боксда мағлубиятсиз одимлаётган маҳоратли боксчимизнинг умумий ғалабалари сони бештага етди.
Т.Рўзиев, ЎзА
