Республика олимпия ва паралимпия спорт турларига тайёрлаш марказининг 65 йиллиги нишонланди
Унда Ўзбекистон Республикаси спорт вазири ўринбосари Шаҳрилло Маҳмудов ва Ўзбекистон Миллий олимпия қўмитаси раиси ўринбосари Шерзод Тошматов, марказнинг турли йиллардаги битирувчилари, фахрий меҳмонлар, таниқли спортчилар, мураббийлар ва жамоатчилик вакиллари иштирок этди.
Тошкент шаҳрида Республика олимпия ва паралимпия спорт турларига тайёрлаш маркази ташкил этилганининг 65 йиллиги муносабати билан тантанали тадбир бўлиб ўтди.
Тадбир доирасида марказнинг тарихи, фаолияти ва турли йилларда эришган ютуқларини акс эттирувчи видеолавҳалар намойиш этилди. Фахрийлар ва битирувчилар ўз хотиралари билан ўртоқлашиб, жамоага келгуси фаолиятида муваффақиятлар тилади.
Мазкур даргоҳда Олимпия ва Паралимпия ўйинлари чемпион ва совриндорлари, жаҳон ва Осиё чемпионлари, халқаро мусобақалар ғолиблари етишиб чиққан. Бугунги кунда ҳам марказда иқтидорли ёшларни саралаш ва юқори малакали спортчиларни тайёрлаш бўйича тизимли ишлар амалга оширилмоқда. Маросимда марказнинг мамлакатимизда олимпия ва паралимпия спортини ривожлантиришдаги хизматлари ва кўп йиллик самарали фаолияти эътироф этилди.
Шунингдек, спорт соҳасида узоқ йиллар самарали меҳнат қилиб келаётган бир гуруҳ ходим Ўзбекистон Республикаси Спорт вазирлигининг «Жисмоний тарбия ва спорт аълочиси» кўкрак нишони билан тақдирланди.
<iframe width="650" height="420" src="https://www.youtube.com/embed/hOFmbl-Krtg" title="Respublika olimpiya va paralimpiya sport turlariga tayyorlash markazining 65 yilligi nishonlandi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Жавоҳир Тошхўжаев,
Анвархўжа Аҳмедов (монтаж),
ЎзА
