Польшада минглаб фуқаролар қонунчиликдаги чекловларга қарши кўчага чиқди
Польшада тиббий абортга қўйилган чекловларни юмшатиш талаби билан минглаб кишилар Варшава ва яна 20 дан ортиқ шаҳарда кўчага чиқди.
Турли шиорлар билан янграган чиқишлар парламент икки кун олдин чекловларни юмшатишга қаратилган иккита қонун лойиҳасини маъқуллаганидан кейин бўлиб ўтди. Бироқ улар консерватив қарашлари билан танилган президент Карол Навроцкий томонидан рад этилиши мумкин. Бош вазир Дональд Тускнинг либерал ҳукумати эса сайловолди ваъдаларини бажармаётганликда танқид қилинмоқда.
Парламент маъқуллаган лойиҳалардан бири абортга кўмаклашганлик учун жиноий жазони қисман бекор қилишни, иккинчиси эса ҳомилада оғир нуқсонлар аниқланган ҳолатларда абортни тақиқлаган 2020 йилги суд қарорининг оқибатларини бартараф этишни назарда тутади.
Намойишчилар ўлкадаги 26 шаҳар ва Лондонда ўтказилган акциялардан кейин якшанба куни яна митинг бўлишини эълон қилди.
Мусулмон Зиё, ЎзА
