Pedri: “Biz barcha sovrinlar uchun kurashmoqchimiz”
Ispaniyalik futbolchi Rodri bilan maydondagi hamkorligiga ham to‘xtaldi.
“Barselona” yarim himoyachisi Pedri La Liganing 4-turida “Valensiya” ustidan qozonilgan yirik — 5:0 hisobidagi g‘alabadan so‘ng jamoaning maqsadlari haqida gapirdi.
“Biz g‘alabalarga chanqoqmiz va barcha sovrinlar uchun kurashmoqchimiz. Bu g‘alaba biz uchun juda muhim. Natijaga qarab o‘yin oson bo‘lgan deb o‘ylash mumkin, ammo bu yerda oson uchrashuvlar bo‘lmaydi”, — dedi Pedri.
Ispaniyalik futbolchi Rodri bilan maydondagi hamkorligiga ham to‘xtaldi. Uning ta’kidlashicha, ular o‘rtasidagi o‘zaro tushunish vaqt o‘tishi bilan yanada yaxshilanadi.
Pedri “Valensiya”ga qarshi bahsning 79-daqiqasida jamoasining to‘rtinchi golini kiritdi. “Barselona”ning qolgan gollariga Lamin Yamal ikki bor, Fermin Lopes va Rafinya mualliflik qildi.
Pedri uchun uchrashuvdagi yana bir yoqimli holat “Mestalya” tribunalarining munosabati bo‘ldi. Mezbon muxlislar uni olqishlar bilan kuzatishdi.
“Raqib stadionida muxlislarning seni olqishlashi juda yoqimli. Bu juda chiroyli holat. ‘Valensiya’ga mavsum davomida omad tilayman”, — dedi futbolchi.
