O‘zbekiston va AQSH: yuridik ta’lim sohasidagi hamkorlik kengaytiriladi

Adliya vazirligiga “White & Case” xalqaro yuridik firmasi hamkori, AQSH - O‘zbekiston savdo palatasi raisi Kerolin Lemm tashrif buyurdi.

Adliya vaziri Akbar Toshqulov bilan uchrashuvda O‘zbekiston va AQSH o‘rtasidagi huquqiy hamkorlikning bugungi holati hamda istiqboldagi yo‘nalishlari muhokama qilindi.

Muloqot davomida xalqaro investitsiya arbitraji sohasidagi hamkorlik hamda yuridik xizmatlar bozoridagi zamonaviy yondashuvlar yuzasidan fikr almashildi.

Tomonlar yuridik ta’lim sohasidagi hamkorlikni kengaytirish, talabalar va yosh mutaxassislar uchun xalqaro arbitraj va investitsiya huquqi yo‘nalishlarida seminarlar, mahorat darslari hamda stajirovka dasturlarini tashkil etish masalalariga alohida e’tibor qaratdi.

Konstruktiv va do‘stona ruhda o‘tgan uchrashuvda xalqaro huquqiy hamkorlikni yanada rivojlantirish, tajriba almashish va qo‘shma loyihalarni amalga oshirish istiqbollari muhokama qilindi.

N.Abduraimova,

O‘zA