От спорти бўйича Ўзбекистон чемпионати якунланди

Пойтахтимиздаги "Марказий ипподром"да от спортининг кросс, конкур ва от йўрттириш йўналишларини бирлаштирган учкураш бўйича катталар ўртасида Ўзбекистон чемпионати бўлиб ўтди.

Уч кун давом этган қизғин ва муросасиз баҳслар якунига кўра CCI2-L* йўналишида Жасур Хотамбеков “Артур” лақабли тулпорида олтин, Аброр Эсонов эса “Чинор” номли отида кумуш, Беҳруз Эркинов “Фан Фан” дея ном олган отида бронза медалини қўлга киритди.

CCI1-B* бўйича Максим Дворянский (“Гудман Жи”), Санжар Раҳимов (“Магнолия”), Улуғбек Маматов (“Франклин”) каби чавандозлар шоҳсупага кўтарилган бўлса, CCI1-Intro* беллашувларида Мадина Абдураҳмонова (“Жизель”), Алиса Содиқова (“Гарпус”) ҳамда Бекзод Шоҳлиев (“Киров”) кучли учликдан жой олди.

Ўзбекистон чемпионатининг учкураш йўналиши бўйича от йўрттиришда Муҳаммaдсодиқ Одилжонов “Ҳосилхон” лақабли тулпори билан чемпион бўлди.

Жавоҳир Тошхўжаев, 
ЎзА