“Newsweek”: АҚШ-Эрон келишуви Россиянинг мавқеини заифлаштиради
АҚШ-Эрон келишуви Россиянинг геосиёсий ва иқтисодий манфаатига сезиларли даражада салбий таъсир қилиши мумкин, деб ёзди “Newsweek” нашри.
Таъкидланишича, агар келишувдан сўнг кескинлик юмшаб, Ҳурмуз бўғозида юк ташиш тикланса, Москва жаҳон энергетика бозоридаги инқироз шароитида қўлга киритган таъсир кучининг бир қисмини йўқотади.
Муаллиф Яқин Шарқдаги ҳозирги ҳолат Россиянинг нефть етказиб берувчи сифатидаги мавқеини кучайтириб, РФ энергетика тизими учун қўшимча даромад келтирганига эътибор қаратган. Вазият барқарорлашиши эса нефть нархини пасайтириб, рус компанияларига фойда келтирадиган “хавф қулайлиги”ни йўққа чиқариши мумкин.
Таҳлилчилар Эрон билан можаро юмшаши Ғарбнинг Россия иқтисодиётига босими яна кучайишига олиб келишини қайд этган. Яъни, масалан, кенг кўламли санкция ва чекловни четлаб ўтиш учун ишлайдиган “яширин флот” устидан назорат тикланади. Бошқача айтганда, келишув Теҳроннинг Москвага қарамлигини камайтиради ва минтақадаги шериклик мувозанатини ўзгартиради. Жумладан, Хитойнинг мавқеини кўтариши мумкин.
Умуман, “Newsweek” Форс кўрфазидаги барқарорлик нафақат РФ иқтисодий мавқеини заифлаштириши, балки Ғарбнинг ҳарбий иқтисодиётга босим ўтказиш қобилиятини кенгайтириши эҳтимоли юқори, дея хулоса қилган.
С.Раҳимов, ЎзА
