Камилла Раҳимова чорак финалга чиқди
Буюк Британиянинг Лондон шаҳрида теннис бўйича WTA 500 таснифига кирувчи, мукофот жамғармаси 1 миллион 915 минг АҚШ долларини ташкил этувчи мусобақада ҳамюртимиз Камилла Раҳимова чорак финалга йўл олди.
Мамлакатимизнинг биринчи рақамли теннисчиси Камилла Раҳимова мазкур мусобақанинг нимчорак финалида британиялик Ҳэрриет Дартга қарши баҳс олиб борди. Уч сет давом этган учрашувда Камилла 5:7, 6:1, 7:5 ҳисобида зафар қучди ва 1/4 финал йўлланмасини қўлга киритди.
Энди Камилла Раҳимова "HSBC Championships" мусобақасининг яккалик баҳслари ярим финал остонасида Буюк Британия вакили Эмма Радукану билан куч синашади. Мазкур тўқнашув бугун, 13 июнь куни мамлакатимиз вақти билан соат 16:30 дан сўнг старт олади.
Жавоҳир Тошхўжаев, ЎзА
