Жей Ди Вэнс Хитойнинг СИ соҳасидаги устунлигини тан олди
АҚШ вице-президенти Жей Ди Вэнс Хитой маълумот марказлари учун зарур энергетика инфратузилмасини фаол кенгайтириш эвазига сунъий интеллект йўналишида Америкадан ўзиб кетаётганини айтди.
У экологик чеклов туфайли мамлакат янги энергия қуввати барпо этиш бўйича нисбатан ортда қолаётганидан хавотир билдирди. Бу ҳақда APA агентлиги хабар берган.
Таъкидланишича, Пекин янги энергия объектлари қуришдан чўчимай, СИ технологияси бозорида устунликка эришмоқда. Америкадаги экологик ҳаракат талаби бугунги кун амалиётига тўғри келмайди. Энергетика тизимини ривожлантириш муҳимлигини англаб етмаган маҳаллий АТ компаниялари жиддий инқирозга юз тутиши мумкин.
Вэнс огоҳлантиришича, янги инфратузилма объектлари барпо этиш жараёни ва экологик талаб ўртасидаги мавжуд зиддиятнинг илк қурбони айнан Америка СИ маълумот марказларидир.
Ф.Яхшибоева, ЎзА
