Испанияда поездлар тўқнашуви қурбонлари 68 кишига етди
Испанияда икки поезд тўқнашуви оқибатида ҳалок бўлганлар сони 68 га етди, дея хабар берган Кастилия-Ла-Манча мухтор ҳудуди ҳукумати раҳбари Эмилиано Гарсия-Паже.
– Биздаги сўнгги маълумотга кўра, 68 киши ҳалок бўлди, – деган у телеканал орқали эфирга узатилган нутқида.
Қўшимча қилинишича, жароҳатланганлардан 15 нафарининг аҳволи ўта оғир, 53 нафари ўртача оғир.
Ҳалокат Мадрид-Андалусия тез юрар темир йўлда соат 9:00 да содир бўлган. Пойтахтдан Севильяга кетаётган поезд тўхтаб қолган таркибга орқадан урилиб, икки вагон изидан чиққан ва тўғонга қулаган.
Мамлакат транспорт вазири Оскар Пуэнте тўқнашувга компьютер носозлиги сабаб бўлганини айтди.
Соат 8:30 атрофида хавфсизлик тизими ўчган ва ҳудуддаги 6 поезд тўхтаб қолган. Фожиа, бир неча поезд тўхтаб турганига қарамай, йўл бошқарувчи бир таркибга қатновни тиклаш учун рухсат бергандан кейин юз берган.
Бош вазир Педро Санчес юртда уч кунлик миллий мотам эълон қилди.
С.Раҳимов, ЎзА
