Ҳумоюн Султоновнинг чорак финалдаги рақиби аниқ бўлди
Узоқ муддатли муваффақиятсизликдан сўнг теннисчимиз ўз ўйинини топа бошлади
Хорватия пойтахти Загреб шаҳрида Халқаро теннис федерацияси томонидан ташкил этилаётган М25 тоифасига кирувчи “Medo Open” турнирида бугун чорак финал баҳслари ўтказилади.
Унда мамлакатимизнинг иккинчи рақамли теннисчиси Ҳумоюн Султонов ҳам иштирок этади. Теннисчимиз австриялик Себастиан Соргерга қарши кортга чиқади. Ярим финал йўлланмаси учун ўтадиган мазкур учрашув Тошкент вақти билан соат 14:00 дан сўнг ўтказилади.
Эслатиб ўтамиз, Ҳумоюн Султонов ушбу турнирда дастлаб польшалик Пётр Галусни 7:6, 6:3 ҳисобида мағлубиятга учратган бўлса, 1/8 финалда хорватиялик Антонио Вольявец устидан 6:2, 6:2 ҳисобида зафар қучган эди.
Жавоҳир Тошхўжаев, ЎзА
