Humoyun Sultonov Sloveniyada bosh sovrinni ko‘zlamoqda

Спорт ١٠:١٦ / ٣١.٠٥.٢٠٢٦

Sloveniyada Xalqaro tennis federatsiyasi tomonidan o‘tkazilayotgan M15 tasnifiga kiruvchi musobaqaning yakkalik bahslarida hamyurtimiz Humoyun Sultonov finalga yo‘l oldi.

Tennischimiz turnirning yarim final bosqichida germaniyalik Maksimilian Gombergga qarshi kortga chiqdi. Ushbu bahsning ilk setini 7:5 hisobida o‘z foydasiga hal etgan Humoyun, ikkinchi setda birorta ham geymni boy bermasdan final yo‘llanmasini qo‘lga kiritdi.

Endi Humoyun Sultonov bosh sovrin uchun o‘tadigan final bellashuvida ispaniyalik Tito Chavez bilan raqobatlashadi. Mazkur to‘qnashuv g‘olibi 2 ming 160 AQSH dollari pul mukofoti va 21 reyting ochkosini qo‘lga kiritadi.

Javohir Toshxo‘jayev, O‘zA

Humoyun Sultonov Sloveniyada bosh sovrinni ko‘zlamoqda

Sloveniyada Xalqaro tennis federatsiyasi tomonidan o‘tkazilayotgan M15 tasnifiga kiruvchi musobaqaning yakkalik bahslarida hamyurtimiz Humoyun Sultonov finalga yo‘l oldi.

O'xshash yangiliklar

O‘zbekiston milliy terma jamoasi Kanadaga qarshi o‘rtoqlik o‘yinida ishtirok etish uchun Edmontonga yetib keldi

Yosh dzyudochilarimiz 20 ta medalni qo‘lga kiritdi

Yosh atletimiz Osiyo chempionatida yana bir medalni qo‘lga kiritdi

“PSJ” qatorasiga ikkinchi yil Yevropada tengsiz