Хоккей: Өзбекстан ұлттық құрамасы әлем чемпионатының III дивизионында жеңіске жетті
Хоккейден Өзбекстан ұлттық құрамасы Халықаралық шайбалы хоккей федерациясы ұйымдастырған 2026 жылғы әлем чемпионатының III дивизионы B тобында жеңімпаз атанды.
Бұл лига беделі жағынан алтыншы деңгей саналады.
Латвиялық маман Нормундс Сейейс бас бапкерлік ететін команда Гонконгта өткен турнир барысында қарсыластарынан айқын басым түсіп, жоғары нәтиже көрсетті. Атап айтқанда, Моңғолия (26:1), Филиппин (28:3), Солтүстік Корея (20:3), Люксембург (14:0) және Гонконг (9:4) құрамаларын жеңді. Жалпы турнир барысында өзбекстандық хоккейшілер 97 шайба соқты.
Турнирлік кестеде Өзбекстан – 15 ұпаймен бірінші орынға жайғасты. Келесі орындарда Солтүстік Корея – 12, Гонконг – 9, Люксембург – 6, Моңғолия – 3, Филиппин – 0.
Турнирдің үздік сұрмергені әрі бомбардирі Өзбекстан құрамасының ойыншысы Вадим Кравченко болды. Оның еншісінде 35 ұпай (19 гол және 16 нәтижелі пас) бар.
Келесі маусымда Өзбекстан ұлттық құрамасы әлем чемпионатының III дивизионы A тобында өнер көрсетеді. Онда Тайвань, Босния және Герцеговина, Таиланд, Мексика және Оңтүстік Африка Республикасы құрамалары қарсылас болады.
