Хитой Ўрта йўлакни ривожлантиришдаги иштирокини кенгайтиришга тайёр
"АзерТАЖ" хабар беришича, Хитой Ўрта йўлак сифатида танилган Транскаспий халқаро транспорт йўли (ТХТЙ)ни ривожлантиришда Озарбайжон билан ҳамкорлик кўламини кенгайтиришга тайёр.
ХХРнинг Бокудаги элчиси Лу Мей агентликка берган интервьюсида таъкидлаганидек, 2025 йил ТХТЙ бўйлаб ташилган юк миқдори 4,7 миллион тоннага етиб, янги рекорд ўрнатилди. Чин мамлакати шу йўналиш орқали ташиладиган товарларнинг энг йирик манбасига айланди.
Дипломат келгуси ҳамкорлик доирасида Хитой трансчегаравий транспорт марказлари, логистика саноат парклари ва рақамли божхона расмийлаштируви тизимини яратишда иштирок этишга тайёрлигини маълум қилди.
Лу Мейнинг сўзларига кўра, бу лойиҳалар юк ташиш вақти ва логистика харажатини қисқартиради.
А.Маматов, ЎзА
