Халқнинг олқиши миллий терма жамоага куч ва шижоат беради

Бугунги кун ўзбек футболи тарихига зарҳал ҳарфлар билан битилмоқда. Президентимиз иштирокида миллий терма жамоамизни Жаҳон чемпионатига кузатиш маросими ҳақиқий байрамга айланиб кетди.

Футбол мамлакатимиз спорт оламида янги ва муҳим босқичга қадам қўймоқда. Жаҳон чемпионатига тайёргарлик кўраётган миллий терма жамоамиз мамлакатимизда футболни оммалаштириш ва инфратузилмани ривожлантириш стратегиясининг ёрқин намунаси бўлди.

Сўнгги йилларда соҳага қаратилаётган улкан эътибор натижасида қатор муҳим кўрсаткичларга эришилгани қувонарли.

[gallery-29590]

Бугун “Бунёдкор” стадионида бирлик, ишонч ва улкан умидлар уйғунлашиб кетди. Мухлисларнинг “ўн иккинчи ўйинчи” сифатидаги фидойилиги халқимизнинг футболга бўлган чексиз муҳаббатини намойиш этмоқда.  

Биз доим сизлар биланмиз! Бу сўзлар йигитларимизга куч, шижоат ва матонат бағишлашига ишонамиз.

Португалия, Колумбия ва Конго билан бўладиган ўйинларда майдонда ҳақиқий ўзбекона жасоратни кўрсатиш вақти келди. Биз футболчиларимиз билан фахрланамиз. 

Президентимиз таъкидлаганидек, футбол эндиликда ҳар бир ўзбек оиласининг ажралмас қисмига айланди. Бу эса ўз навбатида, келгусида ўзбек футболидан янги жаҳон даражасидаги чемпионлар етишиб чиқишига замин яратади. Биз миллий терма жамоамизнинг жаҳон чемпионатида муваффақиятли иштирокига ишонамиз.

Бизни унутилмас лаҳзалар кутиб турибди.

Икром АВВАЛБОЕВ, Носиржон ҲАЙДАРОВ(сурат), ЎзА