Гандболчи қизлар “Президент олимпиадаси” республика финал босқичида куч синашмоқда
Пойтахтимиздаги “Олимпия шаҳарчаси”да гандбол бўйича қизлар жамоалари ўртасида “Президент олимпиадаси”нинг республика финал босқич баҳслари давом этмоқда.
Мамлакатимизнинг 14 та ҳудудидан келган жамоалар иштирокида ўтаётган мусобақалар ёшларга катта спорт завқини тортиқ этаётган бўлса, мураббий ва мутахассислар, Ўзбекистон терма жамоаси экспертлари учун иқтидорлиларни аниқлаш, саралаш, танлаш майдони вазифасини ўтамоқда.
Саралаш мусобақалари шиддати ва муросасизлиги билан алоҳида ажралиб турди. Сурхондарё қизлар жамоаси Хоразм жамоасини 31:17 ҳисобида мағлуб этган вазиятда Наманган вилояти вакиллари Бухоро гандболчиларини 38:31, Қорақалпоғистон жамоаси Андижон жамоасини 26:23 ҳисобида доғда қолдириб, “Президент олимпиадаси” мусобақаларининг олтин медалларига қайси жамоалар ҳақиқий даъвогар эканини намойиш этди.
Эслатиб ўтамиз, “Президент олимпиадаси”нинг гандболчи қизлар жамоалари ўртасидаги баҳслари 11 июлга қадар давом этади.
<iframe width="650" height="420" src="https://www.youtube.com/embed/GLd1nCQ-v3Q" title="Gandbolchi qizlar “Prezident olimpiadasi” respublika final bosqichida kuch sinashmoqda" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Т.Рўзиев, А.Аҳмедов (видео), ЎзА
